Xonqa tumani MMTBga qarashli 49-sonli ayrim fanlar chuqur o‘qitiladigan sinflari mavjud umumiy o‘rta ta’lim maktabida O‘zbekiston Respublikasi Konstitutsiyasining 31 yilligi munosabati bilan “Konstitutsiya - baxtimiz qomusi” nomli tadbir bo‘lib o‘tdi. Tadbirda “Konstitutsiya haftaligi” davomida faol qatnashgan o‘quvchilarga faxriy yorliq va esdalik sovg‘alari topshirildi. O‘quvchilar Konstitutsiyamiz haqida ma’lumotlar berdilar. Sahna ko‘rinishlari, qo‘shiq va raqslar bilan tadbir yanada qiziqarli bo‘ldi.